Aðalstyrktaraðili Utandeildarinnar

Aðalstyrktaraðili Norðurlandsmótsins

06.02.2012 - Hleðslumótið - úrslitaleikir um 5 og 7 sætið á sunnudag. Völsungur leikur gegn KF um fimmta sætið og KA2 leikur gegn Þór2 um sjöunda sætið.

05.02.2012 - KA varð Hleðslumótsmeistari - Til hamingju KA menn.

Þór 2-3 KA
0-1 Ævar Ingi Jóhannesson ('2)
1-1 Janez Vrenko  ('7)
1-2 Hallgrímur Mar Steingrímsson ('38)
2-2 Sveinn Elías Jónsson ('58)
2-3 Hallgrímur Mar Steingrímsson ('87)

Þór og KA spiluðu í dag til úrslita í Hleðslumótinu og hófst leikurinn með miklum látum. Strax á 2. mínútu kom Ævar Ingi Jóhannsson KA yfir með skalla eftir að hafa unnið baráttu við Srdjan Rajkovic markvörð Þórs og boltinn endaði í markinu. Þórsarar voru ekki lengi að jafna því að á 7. mínútu fékk Janez Vrenko boltann eftir sendingu Sigurðar Marinós og afgreiddi boltann vel í netið. Eftir þetta skiptust liðin á að sækja og mikil barátta var um alla bolta. Á 38. mínútu átti Sandor Matus langa sendingu fram völlinn þar sem varnarmaður Þórs missti af boltanum og Hallgrímur Mar komst einn í gegn og skoraði - staðan 1-2 í hálfleik.
KA menn byrjuðu seinni hálfleikinn af sama krafti og þann fyrri en á 58. mínútu jafnaði Sveinn Elías leikinn í 2-2 eftir sendingu frá Ibra Jagne. Eftir þetta lifnaði yfir Þórsliðinu og sóttu þeir hvítklæddu mikið næstu minútur. Það voru hins vegar KA menn sem áttu lokaorðið í leiknum, því Hallgrímur Mar kórónaði góðan leik með því að skora sigurmarkið á 87. mínútu leiksins. KA-menn stóðu því uppi sem sigurvegarar í Hleðslumótinu árið 2012.

Maður leiksins: Hallgrímur Mar Steingrímsson (KA)
 

Magni náði þriðja sætinu þar sem Atli Már og Sigþór Baldursson sáu til þess að gömlu félagar þeirra í Dalvík/Reyni náðu ekki sigri.

Dalvík/Reynir 2-2 Magni
0-1 Hreggviður Gunnarsson (´19)
1-1 Gunnar Magnússon (´42)
2-1 Hermanna Albertsson (´48)
2-2 Arnar Logi Valdimarsson (´90)

Vítakeppni;
2-2 Hreggviður Gunnarsson skaut framhjá
3-2 Gunnar Magnússon
3-3 Davíð Oddssson
4-3 Hermann Albertsson
4-4 Kristján Sindri
4-4 Bessi Víðisson, Atli markvörður varði.
4-5 Pálmar Magnússon
4-5 Viktor Jónasson, Atli markvörður varði.
4-6 Sigþór Baldursson

Dalvík byrjaði leikinn betur og voru meira með boltann en Magnamenn lágu aftar á vellinum og beyttu skyndisóknum. Á 19. mín bar skyndisókn Magnamanna árangur en Ingvar Gíslason komst upp vinstri kantinn og sendi fyrir þar sem Hreggviður var fyrstur á boltann og kom honum i netið. Dalvík hélt áfram að stjórna leiknum en sóknir þeirra báru ekki árangur. Á 42. mín gleymdu miðjumenn Magna Gunnari Magnússon sem fékk allan tíma í heiminum til að leggja boltann fyrir sig og setjann. Hjörtur Geir náði ekki að koma í veg fyrir gott mark Gunnars. Staðan í leikhlé var því 1-1.
Seinni hálfleikur var varla byrjaður þegar boltinn lá í marki Magnamanna. Dalvíkingar fengu aukaspyrnu fyrir utan teiginn vinstra megin og skutu í nænærhornið, Hjörtur Geir varði boltann fyrir eigið mark og Hermann Albertsson þurfti lítið að hafa fyrir að pota boltanum í netið. Mikil barátta færðist í leikinn og fengu bæði lið ágæt færi til að skora en markmenn liðanna vörðu vel. Það var hins vegar á 90. mín sem Magnamenn náðu að jafna leikinn eftir slæmt úthlaup Steinþórs í Dalvíkurmarkinu en Arnar Logi sá um markaskorunina. Litlu mátti muna að Dalvíkingar næðu að skora strax úr miðju, en Gunnar Magnússon átti þá fast skot úr miðju, Atli Már sem hafði stuttu áður komið í markið, virtist vera með boltann en rétt náði að blaka honum í stöngina og út í teiginn. Leiktíminn fjaraði út og niðurstaðan 2-2 og því farið beint í vítakeppni.

Maður leiksins Atli Már Rúnarsson (Magna).

04.02.2012 - Hleðslumótið - úrslitaleikir um 1 og 3 sætið á sunnudag. Þór leikur gegn KA um fyrsta sætið og Dalvík/Reynir leikur gegn Magna um þriðja sætið.

29.01.2012 - Hleðslumótið - Þórsarar innsigluðu sigurinn í A-riðli Hleðslumótsins

Dalvík/Reynir 1 - 4 Þór
1-0 Sigurður Marinó Kristjánsson (´11)
2-0 Orri Freyr Hjaltalýn (´31)
3-0 Ibra Jagne (´54)
4-0 Jónas Björgvin Sigurbergsson (´77)
4-1 Hilmar Danielsson (´88)

Dalvík/Reynir og Þór áttust við í síðustu umferð riðlakeppni Hleðslumótsinns í dag. Fyrsta mark dagsins kom á 11. mínútu og það skoraði Sigurður Marinó Kristjánsson með glæsilegu skoti beint úr aukaspyrnu. Þórsarar því komnir marki yfir. Á 31. mínútu skoraði Orri Freyr Hjaltalín sitt annað mark í tveimur leikjum eftir gott spil þar sem miðjumenn Þórs tættu sig í gegnum vörn Dalvíkur/Reynis. Staðan var því 0-2 í hálfleik.
Seinni hálfleikur byrjaði eins og sá fyrri endaði - Þórsarar meira með boltann en Dalvík/Reynir barðist vel og beitti skindisóknum. Á 54. mínútu kom varamaðurinn Ibra Jagne Þór í 0-3 með skalla eftir góða baráttu inni í vítateig Dalvíkur/Reynis. Á 77. mínútu kom ungur Þórsari, Jónas Björgvin Sigurbergsson, sem komið hafði inná af bekknum liði sínu í 0-4 og útlitið ekki gott fyrir Dalvík/Reyni. Á 88. mínútu náðu Dalvíkingar þó að klóra í bakkann þegar Hilmar Danielsson minnkaði muninn 1-4. Þar við sat og því ljóst að Þórsarar munu spila til úrslita í Hleðslumótinu um næstu helgi.

Maður leiksins: Orri Freyr Hjaltalín (Þór)

29.01.2012 - Hleðslumótið - Húsvíkingar höfðu betur í bragðdaufum leik

KA2 0-2 Völsungur
0-1 Halldór Geir Heiðarsson (´34)
0-2 Arnþór Hermannsson (´60)

KA2 og Völsungur mættust í dag í Hleðslumótinu og hafði Völsungur betur í tilþrifalitlum leik. Liðin verða þó ekki sökuð um að hafa ekki lagt sig fram því góð barátta var í báðum liðum. Halldór Geir Heiðarsson kom Völsungi yfir á 34. mínútu eftir sendingu inn fyrir vörn KA2 og afgreiddi boltann laglega í netið. Hálfleikstölur voru 0-1, Völsungi í vil.
í upphafi seinni hálfleiks áttu bæði lið nokkrar fínar sóknir en markverðir liðanna vörðu vel. Það var síðan á 60. mínútu sem Völsungar kláruðu leikinn á þegar Arnþór Hermannsson skoraði seinna mark leiksins og Völsungar komnir í 0-2. KA2 sótti nokkuð undir lok leiksinns og fengu meðal annars aukaspyrnu við vítateigslínuna en náðu ekki að nýta hana og lauk leiknum með 0-2 sigri Völsungs.

Þessi úrslit dugðu Völsungi þó ekki til að komast uppfyrir Dalvík/Reyni í 2. sæti riðilsins en til þess hefði Völsungur þurft að vinna leikinn með 5 marka mun. Völsungur endar í 3. sæti riðilsins með 4 stig en KA2 á botningum án stiga.

Nú er því orðið ljóst hvaða lið mætast í leikjunum um sæti á mótinu. Aðallið Þórs og KA munu leika til úrslita en Dalvík/Reynir og Magni munu spila um 3. sætið. Þessir leikir fara fram um næstu helgi. Völsungur mætir KF í leiknum um 5. sætið og KA2 leikur gegn Þór2 um 7. sæti mótsins. Leikirnir um 5.-8. sæti fara fram um þarnæstu helgi.

Maður leiksins: Fannar Hafsteinsson (KA2)
 

Áætlaðar tímasetningar eru komnar á úrslitaleikina en leikir um fyrsta og þriðja sætið verða sunnudaginn 5.febrúar og um fimmta og sjöunda sætið 12.febrúar. Leiktímar gætu breyst þar sem fyrri helgina er Goðamót og seinni Vetrarsportsýning í Boganum.

28.01.2012 - Hleðslumótið - Átta mörk, þrjú víti og fullt af spjöldum í leik KF gegn KA.

KF 3–5 KA
0-1 Elmar Dan Sigþórsson(´19)
1-1 Þórður Birgisson(´21)
1-2 Guðmundur Óli Steingrímsson (´42)víti
2-2 Þórður Birgisson (´50)víti
2-3 Jóhann Helgason (´85)
2-4 Hallgrímur Mar Steingrímsson (´90+2)
3-4 Þórður Birgisson (´90+4)víti
3-5 Bjarki Baldvinsson (´90+5)

KF tefldi fram þremur Ungverjum sem eru til reynslu hjá félaginu.
Leikurinn byrjaði fjörlega og eftir þrjár mínútur voru KF menn búnir að fá tvær hornspyrnur. Á næstu mínútum róaðist leikurinn og KA menn náðu betur að stjórna leiknum. Fyrsta markið kom eftir aukaspyrnu af vinstri kannti, boltinn var sendur inná teiginn þar sem Elmar Dan var fyrstur á boltann og kom honum í netið. Áhorfendur þurftu ekki að bíða lengi eftir næsta marki en Þórður Birgisson átti þá skot að marki KA en boltinn breytti um stefnu eftir viðkomu í varnarmanni og í netið fór hann. KA hélt áfram að hafa yfirhöndina í leiknum en KF menn sóttu hratt þegar þeir náðu boltanum. Á fertugustu mínútu fékk KA víti en Ævar Ingi Jóhannesson komst þá upp hægri kantinn og inná teig þar sem hann var tekinn niður. Guðmundur Óli fór á punktinn og skoraði með föstu skoti. Staðan í hálfleik var því 2-1 fyrir KA.
Seinni hálfleikur byrjaði af sama krafti og fyrri hálfleikur. KF menn fengu víti á 49. mín er leikmaður þeirra var að skjóta að marki þegar á honum var brotið. Þórður Birgisson tók vítið, sendi Sandor í rangt horn og skoraði örugglega. Áfram hélt baráttan og KA með yfirhöndina. Á 81. mín átti Gunnar Valur góðan skalla að marki en naumlega framhjá. Stuttu síðar fékk KA aukaspyrnu rétt fyrir utan teig, Jóhann Helgason þrumaði þá boltanum í markmannshornið og í netinu lá hann. Glæsilegt mark hjá Jóhanni. Í uppbótartíma gerðust hlutirnir hratt, fyrst skoraði Hallgrímur Mar glæsilegt mark með föstu skoti uppí samskeytinn. KF menn gáfust ekki upp og fengu víti stuttu síðar en þá varði Jóhann Helgason fyrirgjöf með hendi innan teigs og fékk gult spjald fyrir. Jóhann hafði fengið spjald fyrr í leiknum fyrir óíþróttamannslega framkomu og var hann því sendur í bað. Aftur fór Þórður Birgisson á punktinn og skoraði örugglega. Stuttu síðar kláraði Bjarki Baldvinsson vel færi inná markteig og gulltryggði sigur KA manna. Niðurstaðan því sanngjarn sigur KA manna 5-3.

Mikil barátta og hiti var í leikmönnum allan leikinn en KA menn fengu fimm gul spjöld fyrir óíþróttamannslega framkomu en KF tvö.

Maður leiksins Jóhann Helgason (KA).
 

25.01.2012 - Hleðslumótið - Þrír leikir um næstu helgi og leikjum í riðlum líkur.

Á laugardaginn kl. 17:30 er lokaleikur í B-riðli en þá eigast við KF og KA. Þar sem KA hefur tryggt sér sigurinn í riðlinum þá breytir litlu fyrir liðið hvernig leikurinn fer, en KF sem nú er í þriðja sæti gæti komist í annað sætið með sigri. Á sunnudag eru tveir leikir á dagskrá, fyrri leikurinn hefst kl. 15:15 en þá eigast við Dalvík/Reynir og Þór í úrslitaleik um efsta sætið í A-riðli. Þórsarar sem eru með sex stig nægir jafntefli til að komast í úrslitleikinn um fyrsta sætið í mótinu, Dalvík/Reynir eru með fjögur stig og þurfa því nauðsynlega sigur. Seinni leikurinn er á milli KA2 og Völsungs þar sem Völsungar geta með stórsigri komist upp fyrir Dalvík/Reyni fari svo að þeir tapi fyrir Þór. KA2 kemst hins vegar með sigri uppfyrir Völsung í þriðja sæti riðilsins.  Stöðuna í riðlunum má finna á síðunni undir Hleðslumótið 2012.

Áætlaðar tímasetningar eru komnar á úrslitaleikina en leikir um fyrsta og þriðja sætið verða sunnudaginn 5.febrúar og um fimmta og sjöunda sætið 12.febrúar. Leiktímar gætu breyst þar sem fyrri helgina er Goðamót og seinni Vetrarsportsýning í Boganum.

24.01.2012 - Hleðslumótið - Haukur og Kristján ekki dæmdir í bann.

Haukur Hinriksson, leikmaður KA og Kristján Sigurólason, leikmaður Þórs sem báðir fengu rautt spjald með liðum sínum um seinustu helgi geta báðir spilað með liðum sínum. Mótstjórn og dómarar leiksins komust að þessari niðurstöðu. 

22.01.2012 - Hleðslumótið - Rauð spjöld og fimm mörk þegar Þór sigraði KA2. Magni sigraði Þór2 3-1.

Þór 4–1 KA 2
0-1 Jóhann Örn Sigurjónsson (´10)
1-1 Sveinn Elías Jónsson (´25)
2-1 Janez Vrenko (´45+1)
3-1 Orri Hjaltalín (´66)
4-1 Kristinn Þór Rósbergsson (´70)

Leikurinn fór rólega af stað en nánast upp úr engu skoraði Jóhann fyrir KA eftir hnitmiðað skot sem fór í stöngina og inn. Þórsarar hertu tökin á leiknum við markið og á 25 mín. sendi Halldór Orri góða sendingu inn fyrir vörn KA á Svein Elías sem kláraði færið mjög vel og staðan orðin 1-1. Stuttu síðar var Sveinn aftur við það að sleppa í gegnum vörn KA en Haukur Hinriksson var of seinn og sparkaði Svein niður og uppskar beint rautt spjald þar sem hann var aftastur í vörn KA. Þórsarar náðu við þetta enn betri tökum á leiknum og í uppbótartíma fengu þeir aukaspyrnu á vinstri kanti eftir klaufalegt brot. Hár bolti var sendur inná teiginn og þar stakk Janez Vrenko sér inn fyrir varnarmenn KA og skallaði boltann í netið. Stuttu síðar flautaði Jan Eric til loka fyrri hálfleiks.
Seinni hálfleikur var nánast eign Þórsara en KA menn lágu aftarlega á vellinum og reyndu að beita skyndisóknum. Jafnt varð í liðum á 59 mín. þegar Kristján Sigurólason fékk beint rautt eftir glórulausa tveggja fóta tæklingu. Á 66 mín. komst Kristinn Þór upp hægri kant og þrumaði boltanum í kviðinn á Orra Hjaltalín sem gerði vel að stýra honum í netið. Þórsarar gerðu svo út um leikinn á 70 mín. en þá spiluðu Sveinn Elías, Sigurður Marinó og Kristinn Þór flott þríhyrningsspil upp hægri kantinn, Sveinn Elías sendi boltann út í teiginn á Kristinn Þór sem setti boltann í fjærhornið og framhjá Fannari í markinu. Undir lokin fékk KA ágætis færi en skotið fór naumlega yfir mark Þórs. Fleira markvert gerðist ekki í leiknum og Þórsarar sigruðu nokkuð sannfærandi 4-1.

Maður leiksins Sveinn Elías Jónsson (Þór).

Magni 3–1 Þór 2
1-0 Sigþór Baldursson (´11)
1-1 Steinar Logi (´22) víti
2-1 Elfar Þór Bragason (´40)
3-1 Baldvin Rúnarsson (´55) SM.

Mikil barátta einkenndi leik Magna og Þórs. Á 10 mín. fengu Magnamenn aukaspyrnu nálægt hornfána, Hreggviður sendi háan bolta á fjærstöng en þar kom Sigþór Baldursson og skallaði glæsilega í netið. Áfram héldu menn að berjast af miklum krafti og nokkur gul spjöld fóru á loft. Á 22 mín. fengu Þórsarar víti eftir brot í teignum, Steinar Logi fór á punktinn og skoraði örugglega úr vítinu en Hjörtur Geir fór í vitlaust horn. Magnamenn hertu tökin á leiknum og á 34 mín. á Hreggviður gott skot að marki en Ari varði vel í horn. Þegar hornið var tekið, liggur einn Magnamaður í teignum og víti dæmt. Hreggviður tók vítið en Ari gerði mjög vel í að verja vel tekna vítaspyrnuna. Á 40 mín. voru Magnamenn í sókn, varnarmaður Þórs komst framfyrir sóknarmann Magna og náði að pota boltanum til Ara í markinu en Ari náði ekki hreinsa nógu vel frá markinu, boltinn barst útfyrir teiginn til Elfars Þórs sem tók hann í fyrsta og skoraði örugglega framhjá Ara í markinu. Staðan í hálfleik því 2-1 fyrir Magnamenn.
Baráttan hélt áfram í seinni hálfleik og reynsluboltarnir í Magna voru heldur hættulegri í sínum sóknaraðgerðum. Þórsarar spiluðu mjög vel úti á vellinum en þegar þeir nálguðust teiginn gerðist lítið. Eftir hornspyrnu á 54 mín. bættu Magnamenn við þriðja markinu en Elfar Þór átti góðan skalla að marki Þórs, Ari var að fara að grípa boltann en Baldvin Rúnarsson varð fyrir því óláni að breyta stefnu boltans sem endaði í netinu og staðan því orðin 3-1 fyrir Magnamenn. Þórsarar reyndu eftir þetta að sækja meira en Magnamenn beittu hættulegum skyndisóknum. Leikmenn héldu áfram að berjast og nokkur gul spjöld fóru á loft en meira var ekki skorað í leiknum.

Maður leiksins Jónas Sigurbergsson (Þór).
 

21.01.2012 - Hleðslumótið - Jafntefli í æsispennandi leik Völsungs gegn Dalvík/Reyni 3-3.

Völsungur 3-3 Dalvík/Reynir
1-0 Enok Eiðsson (´8)
2-0 Arnþór Hermannsson (´45) víti
2-1 Hermann Albertsson (´48)
2-2 Bessi Víðisson (´58)
2-3 Bessi Víðisson (´66)
3-3 Hafþór Mar Aðalgeirsson (´87)

Völsungur og Dalvík/Reynir áttust við í afar spennandi leik í Hleðslumótinu í dag. Húsvíkingar voru talsvert sterkari aðilinn í fyrri hálfleik og sköpuðu sér fleiri hættuleg marktækifæri. Strax á 8. mínútu fær Enok Eiðsson stungusendingu innfyrir vörn Dalvíkur/Reynis og kemur Völsungi í 1-0 með skoti í fyrstu snertingu. Arnþór Hermannsson hefði getað tvöfaldað forystuna á 17. mínútu leiksins þegar hann fékk dauðafæri við markteig Dalvíkinga en Steinþór Már Auðunsson varði vel í markinu. Hættulegasta færi þeirra bláklæddu í fyrri hálfleiknum kom á 26. mínútu. Þá slapp Hilmar Daníelsson einn í gegnum vörn Völsungs en markverði Völsungs, Ingólfi Erni Kristjánssyni, tekst að ná til boltans. Boltinn hrökk til Bessa Víðissonar, leikmanns Dalvíkur/Reynis, en hann skaut boltanum yfir markið af stuttu færi, einn gegn einum varnarmanni Völsungs. Þegar komið var fram í uppbótartíma fyrri hálfleiks fékk Völsungur dæmda vítaspyrnu þegar varnarmaður Dalvíkur/Reynis gerist brotlegur innan teigs. Arnþór Hermannsson steig á punktinn og setti boltann örugglega í netið. Hálfleikstölur voru 2-0 fyrir Völsung.
Eitthvað hefur Þórir Áskelsson, þjálfari Dalvíkur/Reynis, sagt við sína menn í hálfleik – því það var eins og allt annað lið hefði mætt til leiks þegar Vilhelm Adolfsson, dómari leiksins, flautaði síðari hálfleikinn á. Dalvík/Reynir hafði mikla yfirburði inná vellinum fyrri hluta síðari hálfleiks og tókst á 18 mínútna kafla að skora þrjú mörk. Fyrst var það Hermann Albertsson sem minnkaði muninn í 2-1 á 48. mínútu með skoti af stuttu færi eftir gott spil upp vinstri kanntinn. Tíu mínútum síðar jafnaði Bessi Víðisson leikinn með glæsilegum stunguskalla á 58. mínútu eftir flotta sendingu af hægri vængnum frá Viktori Má Jónassyni. Bessi var síðan aftur á ferðinni á 66. mínútu þegar hann smurði boltann upp í fjærhornið framhjá Ingólfi Erni Kristjánssyni í marki Völsungs úr frekar þröngu færi. Staðan því orðin 3-2 fyrir Dalvík/Reyni. Á 76. mínútu hefði Hilmar Daníelsson getað svo gott sem gert út um leikinn fyrir Dalvíkinga. Hann komst þá aleinn og óvaldaður í gegnum vörn Völsungs en Ingólfur Örn gerði mjög vel með því að verja skot hans. Þegar um fjórar mínútur voru eftir af venjulegum leiktíma braut varnarmaður Dalvíkur/Reynis klaufalega á sóknarmanni Völsungs innan vítateigs og því önnur vítaspyrna dæmd. Steinþór Már varði vítaspyrnu Arnþórs Hermannssonar en Hafþór Mar Aðalgeirsson var fyrstur að ná til boltans og jafnaði metin með skoti í fjærhornið. Dalvíkingar voru óheppnir að skora ekki sigurmarkið þegar tæpar tvær mínútur voru komnar framyfir venjulegan leiktíma, en skot þeirra hafnaði í þverslánni. Liðin þurftu því að sættast á skiptan hlut í þessum æsispennandi knattspyrnuleik, lokatölur 3-3.

Maður leiksins: Bessi Víðisson (Dalvík/Reynir)

16.01.2012 - Hleðslumótið - þrír leikir um næstu helgi.

Þrír leikir fara fram um næstu helgi í Hleðsludeildinni. Á laugardag leika í A-riðli Völsungar gegn Dalvík/Reyni kl. 16:15. Á sunnudag fara fram tveir leikir, í A-riðli leikur Þór gegn KA2 kl. 15:15 og í B-riðli leikur Magni gegn Þór2 kl. 17:15. Stöðuna í riðlunum má finna á síðunni undir Hleðslumótið 2012.


16.01.2012 - Hleðslumótið – Grétar Bragi ekki dæmdur í bann

Grétar Bragi Hallgrímsson, leikmaður KF, sem fékk að líta beint rautt spjald í leik gegn Magna getur spilað næsta leik KF. Mótstjórn og dómarar leiksins komust að þessari niðurstöðu.
 

15.01.2012 - Hleðslumótið - Tvö víti og rautt í leik dagsins í Hleðslumótinu

KF 3-3 MAGNI
0-1 Hreggviður Heiðberg Gunnarsson (´30) víti
1-1 Gabríel Reynisson (´32)
2-1 Agnar Þór Sveinsson (´56)
2-2 Kristján Sindri Gunnarsson (´61)
2-3 Hreggviður Heiðberg Gunnarsson (´62) víti
3-3 Arnór Egill Hallsson (´72)

Í dag áttust við KF og Magni í Hleðslumótinu og fór leikurinn rólega af stað þótt leikmenn KF hafi verið sterkari frá byrjun. Á 29. min var brotið á Kristjáni Sindra Gunnarssyni leikmanni Magna innan vítateigs og Jan Eric Jessen dómari leiksins dæmdi vítaspyrnu. Hreggviður Heiðberg fór á vítapunktinn og skoraði af öryggi. Magna menn komust því yfir nokkið gegn gangi leiksins. Forysta Magna var skammlíf því á 32 min jafnaði Gabríel Reynisson leikinn fyrir KF. Gabríel fékk boltann inn fyrir vörnina frá Sigurbirni Hafþórssyni og setti boltann yfir Hjört í marki Magna. Staðan var því 1-1 í hálfleik. Seinni hálfleikur var mikil skemmtun þar sem töluvert af færum litu dagsins ljós. Á 56. mínútu kom Agnar Sveinsson KF yfir með því að leggja boltann snyrtilega í fjærhornið framhjá Hirti í marki Magna. Magnamenn voru ekki lengi að svara því 5 minútum síðar jafnaði Kristján Sindri Gunnarsson metin með skoti af stuttu færi eftir glæsilega sókn Magna upp hægri kanntinn. Enn dró til tíðinda á 62. mínútu. Þá braut Grétar Bragi Hallgrímsson, varnarmaður KF sem hafði komið inná sem varamaður tveimur mínútum fyrr, á sóknarmanni Magna innan eigin vítateigs. Þar sem Grétar rændi mótherja sinn augljósu marktækifæri fékk hann að líta beint rautt spjald auk þess sem vítaspyrna var dæmd. Hreggviður Heiðberg skoraði af öryggi úr annari vítaspyrnu Magna í leiknum og kom Grenvíkingum í 3-2 forystu. Eftir þetta skiptust liðin á að sækja og áttu Magnamenn m.a. skot í þverslá úr aukaspyrnu. Hægt og bítandi náðu leikmenn KF góðu taki á leiknum, þrátt fyrir að vera manni færri. Á 72. mínútu jafnaði Arnór Egill Hallsson metin með góðu skoti. Leikmenn KF hefðu getað skorað sigurmarkið á lokamínútunum en góð frammistaða Hjartar Geirs Heimissonar í marki Magna kom í veg fyrir að þeim tækist það. Lokatölur voru því 3-3.

Maður leiksins: Hjörtur Geir Heimisson
 

14.01.2012 - Hleðslumótið - KA með öruggan sigur á Þór2 í leik dagsins.
 

Þór2 1-5 KA
0-1 (´17) Hallgrímur Mar Steingrímsson
1-1 (´21) Hákon Hjartarson
1-2 (´24 víti) Hallgrímur Mar Steingrímsson
1-3 (´47) Jóhann Helgason
1-4 (´52) Jóhann Helgason
1-5 (´59) Jóhann Helgason

Lið Þórs2 er skipað hinum efnilegu leikmönnum 2. flokks félagsins meðan KA1 tefldi fram mörgum af sínum sterkustu mönnum í meistaraflokki. KA-menn höfðu talsverða yfirburði inni á vellinum allan leikinn, héldu boltanum vel innan liðsins og sóttu á köflum fast að marki Þórsara. Fyrsta færi leiksins kom strax á 6. mínútu þegar KA-menn brjóta vörn Þórsara á bak aftur en Ari Már Egilsson tókst að verja skotið í horn. Til tíðinda dró á 17. mínútu leiksins. Hallgrímur Mar Steingrímsson fær þá háa sendingu í gegnum vörn Þórs, tekur hann niður við vítapunktinn og rennir honum laglega undir Ara í markinu. 1-0 fyrir KA1. Þórsarar voru þó ekki lengi að svara fyrir sig. Fjórum mínútum síðar fá þeir aukaspyrnu á miðjum eigin vallarhelmingi. Þeir voru fljótir að taka aukaspyrnuna og stinga boltanum innfyrir varnarlínu KA-manna. Þar nær Hákon Guðni Hjartarson fyrstur til boltans og sleppur einn innfyrir vörn KA. Honum brást ekki bogalistinn og jafnaði metin með því að leggja boltann framhjá Fannari Hafsteinssyni, sem stóð í marki KA1. En KA-menn voru fljótir í gang aftur. Einungis tveimur mínútum eftir jöfnunarmark Þórsara fá þeir dæmda vítaspyrnu eftir afar klaufalegt brot varnarmanns Þórs2 utarlega í vítateignum. Hallgrímur Mar fór á punktinn og sendi Ara í marki Þórs í rangt horn. KA-menn voru því komnir með forystu á ný. KA-menn hefðu getað bætt við fleiri mörkum í fyrri hálfleik. Á 27.mínútu átti Guðmundur Óli skalla rétt framhjá marki Þórs. Tveimur mínútum fyrir hálfleik varði Ari Már glæsilega skot frá Hallgrími. Staðan í hálfleik var því 2-1 og leikurinn galopinn þrátt fyrir að KA-menn hafi verið mun hættulegri í sínum aðgerðum.
Í síðari hálfleik sýndi Jóhann Helgason, sem er nýgenginn í raðir KA-manna, úr hverju hann er gerður. Á 47. mínútu skorar hann þriðja mark KA1 af stuttu færi eftir vel útfærða sókn. Tveimur mínútum síðar fékk Guðmundur Óli Steingrímsson sannkallað dauðafæri, en setti boltann framhjá með skoti af markteig. Á 52. mínútu leiksins sækja KA-menn upp vinstri vænginn og ná sendingu fyrir markið. Þar er mættur Jóhann Helgason sem stangar boltann upp í fjærhornið, algjörlega óverjandi fyrir Ara í marki Þórs2. Sjö mínútum síðar fullkomnaði Jóhann þrennu sína með góðu skoti utan af vítateignum. Þrjú mörk á innan við 14 mínútum verður að teljast nokkuð góður árangur. Þórsarar voru óheppnir að minnka ekki muninn á 82. mínútu leiksins, en þá átti Jónas Björgvinsson glæsilegt skot úr aukaspyrnu rétt fyrir utan teig sem hafnaði í þverslánni.
Fleiri urðu mörkin ekki og KA-menn fögnuðu því 5-1 sigri. Eftir tvær umferðir er KA1 á toppi B-riðils með 6 stig en Þór2 situr í 3. sæti með 1 stig.

Maður leiksins: Jóhann Helgason (KA1)

Áhorfendur voru um 112.

11.01.2012  - Hleðslumótið – Leikir helgarinnar

Næstu leikir Hleðslumótsins eru um helgina, en á laugardag leikur Þór 2 gegn KA kl. 14:15 og á sunnudag leikur KF gegn Magna kl. 16:15. Stöðuna í riðlinum má finna á síðunni undir Hleðslumótið 2012.

10.01.2012  - Hleðslumótið – Þórður ekki dæmdur í bann

Þórður Birgisson sem fékk að líta beint rautt í leik gegn Þór2 getur spilað næsta leik KF. Mótstjórn og dómarar leiksins funduðu um spjaldið og komust að þessari niðurstöðu.

8.01.2012 - Hleðslumótið - Þór 2 náði jafntefli gegn KF.  

Þór2 1-1 KF
0-1 (´30) Þórður Birgisson
1-1 (´57) Ingólfur Árnason

Lið Þórs2 og KF sættust á skiptan hlut í síðasta leik fyrstu umferðar Hleðslumótsins sem fram fór í Boganum í dag. Jafnræði var með liðunum framan af leik en um miðjan fyrri hálfleik náðu leikmenn KF undirtökunum. Á 30. mínútu fékk KF dæmda aukaspyrnu rétt fyrir utan vítateig Þórsara. Þórður Birgisson tók spyrnuna og skoraði með laglegu skoti í nærhornið. Átta mínútum síðar tókst Þórði að spóla sig í gegnum vörn Þórs2 en Hristo Slavkov markvörður Þórsara varði boltann í stöng. Staðan var því 1-0 í hálfleik, Fjallabyggðarstrákum í vil. Síðari hálfleikur var nokkuð svipaður þeim fyrri að því leytinu til að KF var nokkru sterkari aðilinn og tókst að skapa sér nokkur marktækifæri meðan sóknarleikur Þórs2 var heldur bragðdaufur. Á 57. mínútu fá Þórsarar dæmda vítaspyrnu eftir að varnarmaður KF hafði togað sóknarmann Þórs2 niður í vítateignum. Ingólfur Árnason steig á punktinn og jafnaði leikinn með góðri spyrnu. Hættulegasta færi KF-inga í síðari hálfleik fékk Þórður Birgisson á 74. mínútu þegar hann slapp einn í gegnum varnarlínu Þórsara en Hristo sá við honum í markinu. Í uppbótartíma leiksins fékk Þórður svo að líta beint rautt spjald fyrir kjaftbrúk.

Leikmenn liðanna sættust á skiptan hlut og sitja því í 2. og 3. sæti B-riðils eftir fyrstu umferðina.

Maður leiksins: Þórður Birgisson KF.
Áhorfendur voru um 150.

7.01.2012  - Hleðslumótið - KA 1 með öruggan sigur á Magna, KA 2 tapaði hins vegar stórt fyrir Dalvík/Reyni.

KA 3-0 Magni
1-0 (´6) Jóhann Örn Sigurjónsson
2-0 (´56) Jóhann Örn Sigurjónsson
3-0 (´70) Hallgrímur Mar Steingrímsson

Í fyrri leik dagsinns í Hleðslumótinu sigraði KA lið Magna 3-0 í Boganum, KA sótti mikið strax frá byrjun og fyrsta markið skoraði Jóhann Örn Sigurjónsson af stuttu færi á 6. Minute leiksins. Leikmenn Magna börðust vel og héldu aftur af líflegu KA liðinu út hálfleikinn og staðan var því í 1-0 hálfleik. Strax á fyrstu mín síðari hálfleiks vann Bjarki Baldvinsson boltann af Varnarmönnum Magna og lék inn á vítateginn þar var hann felldur og vítaspyrna dæmd. Á punktinn fór Hallgrímur Mar en hann þrumaði boltanum í þverslána og yfir. KA menn sóttu áfram og á 56 min skoraði Jóhann Örn sitt annað mark með skoti utarlega úr vítateignum. Fjórtán mínútum síðar innsiglaði Hallgrímur Mar 3-0 sigur KA manna með því að leggja boltann í autt markið eftir að KA-menn höfðu spilað sig í gegnum vörn Grenvíkinga og komist þrír gegn markverði. Magni fékk sitt besta færi undir lok leiks þegar Pálmar Magnússon átti þrumuskot langt fyrir utan vítateig sem fór yfir Sandor Matus í marki KA og hafnaði í innanverðri stönginni. Lokatölur leiksins voru því 3-0 fyrir KA.

Maður leiksinns: Hallgrímur Mar Steingrímsson KA
Áhorfendur 96

KA2 0-5 Dalvík/Reynir
1-0 (´34) Bessi Víðisson
2-0 (´43) Viktor Jónasson
3-0 (´45) Hermann Albertsson
4-0 (´68) Gunnar Már Magnússon
5-0 (´75) Bessi Víðisson

Í síðari leik dagsinns mættust KA2 og lið Dalvíkur/Reynis. Snemma sást munurinn á liðunum en lið KA2 er að mestu leiti skipað ungum leikmönnum þótt inn á milli mátti sjá glitta í stöku reynslubolta.
Bessi Víðisson kom gestunum yfir á 34 min með góðu skoti fyrir utan vítateig. Á 43 min skoraði Viktor Jónasson annað mark leiksins - gott skot sem markvörður KA2 hélt ekki. Tveimur mínútum síðar bætti Hermann Albertsson þriðja markinu við fyrir Dalvíkinga með góðum skalla. Dalvík/Reynir hafði því 3-0 forystu þegar gengið var til búningsherbergja.  Í seinni hálfleik skiptust liðin á að vera með boltann en Dalvík/Reynir var eftir sem áður töluvert sterkari aðilinn. Á 68 min sendi Viktor Jónasson boltann inn á markteig KA-manna og Gunnar Már Magnússon skoraði fyrir opnu marki. Bessi Víðisson kórónaði svo frábæran leik sinn með því að skora síðasta mark leiksinns á 75 mínútu. Lokatölur voru því 5-0 fyrir Dalvík/Reyni.

Maður leiksinns: Bessi Víðisson
Áhorfendur: 56

 

6.01.2012 - Hleðslumótið - Orri og Sveinn Elías afgreiddu Völsunga

Þór 4– 1 Völsungur

1 – 0  (´45) Sveinn Elías Jónsson

1 – 1  (´49) Hrannar Steingrímsson

2 – 1  (´55) Orri Freyr Hjaltalín

3 – 1  (´64) Sveinn Elías Jónsson

4 – 1  (´75) Orri Freyr Hjaltalín

Þór og Völsungur áttust við í fyrsta leik Hleðslumótsins. Leikur fór frekar rólega af stað, Þórsarar þó heldur líklegri en Völsungar sýndu mikla baráttu og náðu að verjast vel alveg þar til á lokamínútu fyrri hálfleiks þegar Sveinn Elías fékk góða sendingu inná teiginn og afgreiddi boltann vel í netið.

Seinni hálfleikur byrjaði með miklum látum, Þórsarar komust nokkrum sinnum einir í gegnum vörn Völsunga en það voru hins vegar Völsungar sem jöfnuðu leikinn. Markið kom eftir aukaspyrnu á miðjum velli, Jónas Friðriksson sendi háan bolta inná teig. Markvörður Þórsara var of seinn út í boltann og Hrannar skoraði í tómt markið. Þórsarar héldu áfram að sækja og vera meira með boltann en Völsungar reyndu skyndisóknir. Þórsarar náðu að skora fljótlega eftir mikið klafs inná teignum snéri Orri Freyr sér og skaut í innanvert hliðarnetið. Þórsarar héldu áfram að sækja grimmt og stungusendingu frá Kristni Björnssyni inná Sveinn Elías varð misskilningur hjá markmanni og varnarmanni Völsungs og það nýtti Sveinn sér og renndi boltanum í autt markið. Seinasta markið kom síðan eftir gott upphlaup Sveins Elías upp hægri kant og hann renndi boltanum fyrir markið og Orri Freyr þurfti lítið að hafa fyrir því að rúlla boltanum í autt markið.

Góður sigur hjá Þórsurum á ungu og spræku liði Völsunga. Maður leiksins verður að teljast Ingólfur Örn Kristjánsson markvörður Völsunga sem varði mjög vel allann leikinn. Orri Freyr stóð sig einnig mjög vel í liði þórsara.

Áhorfendur: 139  

4.01.2012 - Hleðslumótið 2012

Sex félög senda lið í Hleðslumótið 2012 sem áður hét Soccerademótið. Þór og KA senda 2 lið til keppni eins og undanfarin ár. Leikið er í 2 riðlum og svo til úrslita. Mótið hefst föstudagskvöldið 6.01.2012 með leik Þórs og Völsungs og hefst leikurinn kl 20:00. Allir leikirnir fara fram í Boganum. Leikjaniðurröðun er klár og má finna hana hérna á síðunni undir Hleðslumótið 2012.

25.ágúst - Úrslitaleikjum Kjarnafæðideildarinnar lauk í kvöld.

Til úrslita um fyrsta sætið léku Fc. Mývetningur gegn ríkjandi meisturum, Reynir Fc.

Nánar um leikinn; Leikurinn var úrslitaleikur af bestu gerð. Bæði lið hófu leikinn mjög varfærnislega og lítið var um færi framan af. Reynismenn voru heldur sterkari í fyrri hálfleik og uppskáru mark eftir laglegt spil á 13.mínútu þegar Ólafur Ingi setti boltann í stöng og inn. Eftir 9.mínútna leik í seinni hálfleik tókst Reynismönnum að opna vörn Mývetnings, Þórir Ingvarsson komst einn í geng og setti boltann í nærhornið, 2-0. Við þetta hresstust Mývetningur og sóttu stíft það sem eftir lifði leiks. Daníel Örn minnkaði muninn með þrumuskoti 8. mínútum fyrir leikslok. En nær komst Mývetningur ekki og Reynismenn Kjarnafæðismeistarar. Þess má geta að Reynismenn unnu einnig mótið í fyrra ásamt því að verða Kjarnafæðisbikarmeistarar fyrr í sumar.

Í úrslitum um 3.sætið léku Hamrarnir gegn Refunum Fc.

Nánar um leikinn; Leikmenn byrjuðu varlega svo náðu Hamrarnir yfirhöndinni. Á 22.mín skoraði Decio stórkostlegt mark með þrumuskoti í slá og inn.  Eftir það þá var þetta smá barátta en sigur Hamranna var aldrei í hættu.

Í úrslitum um 5.sætið léku Púmba Fc. gegn Æskunni.

Nánar um leikinn;  Leikurinn var jafn og liðin skiptust á að vera með forystu. Æskan komst í 4-2 en missti niður forskotið og lentu undir 4-5 en náðu að jafna fjórum mínútum fyrir leikslok. Bæði brenndu af einni spyrnu af fyrstu þremur og því hófst bráðabani þar sem Æskan brenndi af sínu víti en Púmba skoraði.

Í sjöunda sæti lentu Samherjamenn en þar sem Timburmenn sáu sér ekki fært að mæta í seinasta leikinn þá spiluðu Úlfarnir gegn Samherjum. Leikurinn var spennandi og endaði 2-2 og eftir vítaspyrnukeppni þá unnu Úlfarnir leikinn 2-1

Í úrslitum um 9.sætið léku Hellisbúar gegn Smáranum.

Nánar um leikinn; Nokkuð öruggur sigur hjá Hellisbúum sem komust í 4-0 og gáfu þá eftir og Smárinn setti tvö áður en yfir lauk.

Í 11.sæti lentu leikmenn L.A. Fc. Þar sem leikmenn G.A. Fc. mættu ekki til leiks.

Leiknir voru 55 leikir og í þeim skorað 348 mörk eða að meðaltali 6,33 mörk í leik. Markakóngur Kjarnafæðideildarinnar er Ingólfur Stefánsson Æskunni með 13 mörk í níu leikjum.

Stjórn KDN og Kjarnafæði vilja þakka öllum leikmönnum deildarinnar, starfsfólki Hamar og dómurum fyrir skemmtilegt sumar. Við vonumst til að hitta ykkur öll á næsta ári.

Með fótboltakveðju, Stjórn KDN

20.ágúst - Úrslitaleikirnir og lokahóf á fimmtudaginn 25.ágúst

Ríkjandi meistarar og bikarmeistarar Reynismenn mæta Mývetningum í úrslitaleik. Aðrir leikir eru;

Að venju býður Kjarnafæði þátttakendum í létta grillveislu. Við höfum samið við starfsfólk Hamars um að fá að vera á pallinum við Hamar eða inni ef við lendum í vondu veðri. Það verða sem sagt nýgrillaðir Kjarnafæðihamborgarar á grillinu kl. 20:00, 21:00 og 22:00. Við viljum minna leikmenn Boltaklúbbsins Baulu og Fc. Úlfana 010 að mæta í grillveisluna.

19.ágúst - Á fimmtudagskvöldið fóru fram undanúrslit og úrslitaleikur um 13.sætið

Úrslitaleikur um 13. sæti  -  Boltaklúbbur Baulu  0 - 7  Fc. Úlfarnir 010

Um leikinn: Leikurinn var frekar ójafn þar sem Úlfarnir tóku fljótlega öll völd á vellinum. Baulumenn fengu samt ein 4-5 góð færi sem þeir náðu ekki að nýta. Fc. Úlfarnir 010 - Til hamingju með 13.sætið

Undanúrslit um 1-4. sæti  -  Fc. Mývetningur  2 - 1  Refirnir Fc.

Um leikinn: Vel leikinn af báðum liðum og býsna skemmtilegur leikur. Eftir jafnan fyrri hálfleik leiddu leikmenn Mývetnings 1-0. Seinni hálfleikur var ekki síður spennandi og endaði 1-1. Liðin léku flottan bolta þar sem heiðarleikinn var hafður í hávegum.

Undanúrslit um 9-12. sæti  -  G.A. Fc.  2 - 5  Smárinn

Um leikinn: Smáramenn byrjuðu mun betur og leiddu 1-4 eftir fyrri hálfleik. Í seinni hálfleik þá jafnaðist leikurinn en Smáramenn voru alltaf hættulegri í sínum sóknaraðgerðum.

 

Undanúrslit um 1-4. sæti  -  Reynir Fc.  5 - 0  Hamrarnir

Um leikinn: Ríkjandi meistarar og bikarmeistarar Reynismanna voru lengi að brjóta ísinn og koma inn fyrsta marki. Eftir markalausan fyrri hálfleik þá héldu þeim engin bönd í seinni.

Undanúrslit um 5-8. sæti  -  Æskan  7 - 3  Samherjar

Um leikinn: Leikmenn Samherja voru heillum horfnir í dauðafærum. Staðan var orðin erfið eftir að vera 4-0 undir í hálfleik en með baráttu náðu þeir jafntefli í seinni hálfleik.

Undanúrslit um 9-12. sæti  -  L.A. Fc.  0 - 3  Hellisbúar

Um leikinn: Leikmenn L.A. mættu ekki til leiks og Hellisbúar komast því auðveldlega í úrslit um 9.sætið.

Undanúrslit um 5-8. sæti  -  Timburmenn  0 - 3  Púmba

Um leikinn: Leikmenn Timburmanna mættu ekki til leiks og Púmbumenn komast því auðveldlega í úrslit um 5.sætið.

17.ágúst - Undanúrslit Kjarnafæðideildarinnar fara fram fimmtudaginn 18.ágúst.

Tvö efstu liðin í hvorum riðli fara í úrslit um sæti 1 til 4. Liðin í þriðja og fjórða sæti riðlanna spila um sæti 5 til 8. Liðin í fimmta og sjötta sæti riðlanna spila um sæti 9 til 12. Þá eru einungis tvö lið eftir en þau spila á fimmtudagskvöldið um 13 sætið og ljúka þar með keppni. En byrjum á að skoða hvaða lið spila um hvaða sæti;

Ef jafnt er að loknum venjulegum leiktíma þá verða teknar þrjár vítaspyrnur á lið og ef enn er jafnt að þeim loknum verður farið í bráðabana þar til úrslit fást.

Fimmtudaginn 25.ágúst þá verða úrslitaleikir Kjarnafæðideildarinnar. Ekki er hægt að segja til hvenær hvaða leikur fer fram þar sem sum liðin komast ekki fyrr en í fyrsta lagi klukkan átta og mótsstjórn tekur að sjálfsögðu tillit til þess. Hér að neðan sjáum við hvaða lið geta spilað um hvaða sæti en allt ræðst þetta af frammistöðu liðanna á fimmtudagskvöldið 18.ágúst. En skoðum hvaða lið geta leikið um sætin;

Eftir úrslitaleikinn verða nýir meistarar krýndir.

Að venju býður Kjarnafæði þátttakendum í létta grillveislu. Við höfum samið við starfsfólk Hamars um að fá að vera á pallinum við Hamar eða inni ef við lendum í vondu veðri. Það verða sem sagt nýgrillaðir Kjarnafæðihamborgarar á grillinu kl. 20:00, 21:00 og 22:00. Við viljum minna leikmenn Boltaklúbbsins Baulu og Fc. Úlfana 010 að mæta í grillveisluna.

11.ágúst - Sjöunda umferð Kjarnafæðideildarinnar – Lokaumferð.

Lokaumferð riðlana fór fram á fimmtudagskvöldið 11.ágúst.

Í A riðli breyttist röð efstu liða þar sem Reynismenn unnu 3-1sigur á Púmbu. Mörkin komu öll í fyrri hálfleik, Reynismenn voru á undan að skora en Púmbumenn jöfnuðu leikinn 1-1. En Reynismenn gerðu það sem þurfti til að ná efsta sætinu, bættu við tveimur mörkum fyrir leikhlé. Refirnir sem sátu hjá í kvöld enduðu því í öðru sætinu í riðlinum. Æskan hélt í þriðja sætið í riðlinum með öruggum 7-1 sigri á Smáranum. Æskan komst í 3-0 áður en Smárinn skoraði sitt eina mark stuttu fyrir leikhlé. Í seinni hálfleik skoraði Æskan fjögur mörk. Þriðji leikurinn í riðlinum var á milli tveggja neðstu liðanna þar sem stiglausir Baulumenn tóku á móti L.A. Leikmenn L.A voru staðráðnir í að klára þann leik með stæl og komust í 9-0 áður en Baulumenn settu fyrra markið sitt. Með sigrinum komst L.A. upp fyrir Smárann í fimmta sætið í riðlinum. 

Úrslit kvöldsins í A riðli voru;      

Í B riðli var mikil spennan hjá toppliðunum fjórum. Mývetningur sem stóð best að vígi hafði betur gegn Samherjum 3-2. Með sigrinum tryggðu þeir sér efsta sætið en Samherjar enduðu í fjórða sæti (ritara vantar hvernig leikurinn þróaðist – kemur vonandi inn í kvöld). Hamrarnir léku gegn G.A. og höfðu sigur 7-2. Staðan í leikhlé var 3-0 og Hamrarnir bættu við einu áður en G.A. gerði sitt fyrsta mark. Hamrarnir náðu öðru sætinu með sigrinum með ellefu mörk í plús en það voru Timburmenn sem enduðu í þriðja sætinu eftir 5-0 sigur á Hellisbúum. Staðan í leikhlé var 1-0 en á 33.mín misstu Hellisbúar leikmann útaf með rautt spjald í stöðunni 2-0. Timburmenn kláruðu leikinn en hefðu þurft 3 mörk í viðbót til að ná öðru sætinu af Reynismönnum. Úlfarnir sátu hjá í þessari umferð og enduðu í neðsta sæti riðilsins án stiga.

Úrslit kvöldsins í B riðli voru;     

Þann 18.ágúst fara fram undanúrslit í Kjarnafæðideildinni.

8.ágúst - Sjöunda umferð Kjarnafæðideildarinnar – Lokaumferð.

Lokaumferð riðlana fer fram fimmtudaginn 11.ágúst og byrja fyrstu leikirnir kl. 19:00.

Í A riðli situr efsta liðið, Refirnir hjá. Þeir eru í fyrsta sæti og eru búnir að tryggja sér annað sætið í riðlinum en spurning hvort þeir halda efsta sætinu. Reynismenn eru eina liðið sem getur komist upp fyrir Refina en Reynismenn eiga leik gegn Púmbu sem getur með sigri komist upp fyrir Reynismenn. Æskan sem nú situr í þriðja sæti á leik gegn Smáranum og með sigri gætu þeir komist uppí annað sætið ef leikmenn Púmbu vinna Reynismenn. Þriðji leikurinn í riðlinum er á milli tveggja neðstu liðanna þar sem stiglausir Baulumenn taka á móti L.A. L.A getur með sigri komist upp fyrir Smárann þ.e.a.s. tapi Smárinn fyrir Æskunni. 

Leikir kvöldsins í A riðli eru;      

Í B riðli er það neðsta liðið, Úlfarnir sem hafa lokið keppni og verma neðsta sætið. Spennan er mikil hjá toppliðunum fjórum. Mývetningur stendur best að vígi en þeir eiga erfiðan leik gegn Samherjum. Með sigri tryggja þeir sér efsta sætið en með tapi gætu þeir endað í fjórða sæti. Jafntefli gæti dugað Mývetningi vegna góðrar markatölu en jafntefli gerir líklega lítið fyrir Samherjamenn. Hamrarnir eiga leik gegn G.A. og þar verða þeir að vinna til að halda sér í toppbaráttu. Sömuleiðis verða Timburmenn að sigra Hellisbúa til að halda sér í toppbaráttu.

Leikir kvöldsins í B riðli eru;     

Einn leikmaður tekur út leikbann í þessari umferð en það er Atli Páll Gylfason leikmaður L.A. Fc. sem fékk rautt spjald í 6.umferð.

Ath. Listi yfir leikmenn liða og markahæstu menn hefur verið uppfærður.

5.ágúst - Sjötta umferð Kjarnafæðideildarinnar fór fram í kvöld.

Í A-riðli endaði toppbaráttuleikur Æskunnar gegn Refunum 1-1 þar sem leikmenn Æskunnar náðu að jafna leikinn á lokamínútum leiksins.  Refirnir halda áfram toppsætinu með jafnteflinu. Reynismenn náðu öðru sætinu eftir sannfærandi 22-0 sigur gegn Boltaklúbbnum Baulu. Í lokaleik riðilsins höfðu leikmenn L.A. sigur gegn liði Smárans 7-3 og eru liðin nú jöfn að stigum.

Í B-riðli heldur spennan áfram en í toppbaráttuslag Hamranna gegn Samherja endaði leikurinn 2-2. Timburmenn misstigu sig gegn leikmönnum G.A. þar sem leikurinn endaði einnig 2-2. Mývetningur skutust í efsta sætið í riðlinum með 3-0 sigri geng Úlfunum þar sem staðan var 2-0 í hálfleik.

1.ágúst - Kjarnafæðideildin 6.umferð

Sjötta umferð Kjarnafæðideildarinnar fer fram fimmtudaginn 4.ágúst og hefjast fyrstu leikir kl. 19:00.

Í A-riðli má búast við hörku viðureign þegar efsta liðið í riðlinum Refirnir tekur á móti Æskunni sem er í þriðja sæti. Refirnir sem eru eina taplausa liðið í mótinu geta aukið forystu í riðlinum með sigri. Leikmenn Æskunnar geta með sigri komist í annað sætið einu stigi á eftir Refunum. Aðrir leikir í riðlinum eru annars vegar á milli ríkjandi meistara Utandeildarinnar og nýkrýndra bikarmeistara, Reynismanna sem eru í fjórða sæti og Boltaklúbbsins Baulu sem eru án sigurs í riðlinum.  Hins vegar er það viðureign Smárans og L.A. en báðum liðum hefur gengið erfiðlega, Smárinn með einn sigur og L.A. án sigurs í riðlinum.

Í B-riðli þar sem fjögur lið eru efst og jöfn með níu stig má búast harðri rimmu á milli Hamranna og Samherja. Sigurliðið heldur sér áfram í toppbaráttu en tapliðið gæti misst af lestinni. Hin liðin tvö í toppbaráttu, Timburmenn og Mývetningur,  ættu að eiga auðveldari leiki ef úrslitin fara eftir svokallaðri bók, en Timburmenn taka á móti G.A. og Mývetningur á móti stiglausum Úlfunum.

29.júlí - Kjarnafæðisbikarkeppnin – Reynismenn eru kjarnafæðisbikarmeistarar.

Reynismenn, núverandi meistarar utandeildarinnar, sigruðu bikarkeppnina eftir úrslitaleik gegn Æskunni sem endaði 2-0. Leikurinn var fjörugur og mörkin komu seint í leiknum. En þá af úrslitum leikjanna.

Því miður gátu Timburmenn ekki mætt til leiks og Reynismenn fóru því beint í 4.liða úrslit, þar sem þeir sátu hjá í 7.liða úrslitum.

Leikur Púmbu og Refanna endaði 1-1 og var eini leikurinn sem fóru í vítakeppni þar sem Leikmenn Púmbu höfðu að lokum sigur. En þá að fjögurra liða úrslitum

Eins og áður sagði þá spilaði Reynir við Æskuna og hafði sigur 2-0. Til hamingju Reynismenn Kjarnafæðisbikarmeistarar.

Í kvöld fór fram 5.umferð í Kjarnafæðideildinni þar sem skoruð voru 48 mörk í sex leikjum.

Í A-riðli sigruðu Reynismenn nokkuð þægilegan 4-0 sigur á Smáranum. Reynismenn eru áfram í fjórða sæti riðilsins með níu stig en eiga leik til góða á liðin í fyrstu tveimur sætunum. Topplið Refanna mætti leikmönnum L.A. og sigruðu í miklum markaleik 7-4. Með sigrinum héldu Refirnir toppsætinu með þrettán stig og hafa eftir leiki kvöldsins 3 stiga forskot á liðið í öðru sæti. Í síðasta leik riðilsins áttust við Boltaklúbbur Baulu og leikmenn Púmbu. Púmbumenn sigruðu leikinn örugglega 13-0 og komumst með því í annað sæti riðilsins með 10 stig.

Í B-riðli höfðu Timburmenn 6-3 sigur gegn Samherjamönnum. Í leiknum skoruðu Timburmenn líklega eitt af fallegri mörkum mótsins með skoti úr aukaspyrnu beint í „Samúel“.  Hamrarnir unnu nokkuð sannfærandi 6-1 sigur á Fc. Úlfunum og í leik á milli Hellisbúa og G.A. Fc. urðu lokatölur 2-2. Eftir leiki kvöldsins eru fjögur lið jöfn í riðlinum með níu stig en það eru Mývetningur, Hamrarnir, Timburmenn og Samherjar. Liðin fjögur eru einnig búin með jafn marga leiki þannig að það er mikil spenna framundan í riðlinum.

Úrslitin má sjá hér að neðan.

Í kvöld fór fram dráttur í bikarkeppni sem fer fram fimmtudaginn 21.júlí. Liðin sem eigast við í fyrstu umferð eru eftirfarandi;

Bikarkeppnin verður kláruð um kvöldið. Leikið verður einu sinni 25 mín.

Fimmta umferð í Kjarnafæðideildinni fer fram á fimmtudaginn 14.júlí. Um kvöldið fer einnig fram dráttur vegna bikarkeppni sem fram 21.júlí.

Í A-riðli eru línur farnar að skírast með topp og botnbaráttu en einn af leikjum kvöldsins er viðureign liða í 4 og 5 sæti, þá etja Reynismenn,  meistarar seinasta árs, kappi við Smárann. Nái Reynismenn að sigra leikinn þá fylgja þeir efstu liðunum en skilja Smáramenn eftir í botnbaráttu. Topplið Refanna mætir liðsmönnum L.A. sem eru enn án sigurs og seinasti leikurinn í riðlinum er á milli Boltaklúbbsins Baulu og Púmba en Baulumenn eru einnig án sigurs í riðlinum.

Í B-riðli fara einnig fram spennandi leikir en ósigraðir Samherjamenn leika gegn Timburmönnum, en Timburmenn hafa tapað einni viðureign og eru til alls líklegir. Hamrarnir sem töpuðu í seinustu umferð gegn Mývetningum leika gegn Úlfunum sem eru án sigurs í riðlinum og seinasti leikurinn í riðlinum er á milli liðanna í 5 og 6 sæti, en Hellisbúar mæta liði G.A. Sigurliðið slítur sig frá botnbaráttu með sigri en jafntefli gerir lítið fyrir bæði lið.

Leikir kvöldsins eru;

Í kvöld fór fram 4.umferð Kjarnafæðideildarinnar. Í A-riðli töpuðu sigurvegar utandeildarinnar á seinasta ári, Reynismenn gegn Refunum með tveimur mörkum gegn engu. Með sigrinum héldu Refirnir toppsætinu, en Æskan sem í kvöld unnu leikmenn L.A. sex núll fylgja þeim fast á eftir. Púmba sem vann Smárann sannfærandi fimm eitt komst með sigrinum í þriðja sæti riðilsins. Í B-riðli sigraði Fc. Mývetningur Hamrana með fjórum mörkum gegn þrem. Mývetningur byrjaði leikinn mjög vel og komst í fjögur núll en Hamrarnir náðu að klóra í bakkann og skora þrjú mörk. Timburmenn höfðu sigur gegn Úlfunum með minnsta mun tvö eitt en fengu fjöldann allan af færum til að sigra með meiri mun. Loks unnu Samherjar Hellisbúa með einu marki gegn engu og með sigrinum náðu Samherjar að komast í annað sætið í riðlinum. Þess má geta að Samherjar eru eina liðið sem er með fullt hús stiga í Kjarnafæðideildinni.

Úrslit kvöldsins má einnig sjá hér fyrir neðan.

Á fimmtudaginn fer fram 4.umferð í Kjarnafæðideildinni. Fyrstu leikir kvöldsins fara fram kl. 19:00.

Í A-riðli fer fram toppbaráttuleikur á milli Reynis og Refanna, en Reynismenn hafa spilað tvo leiki og hafa þeir báðir unnist (S L.A. og S Æskan). Refirnir hafa hins vegar unnið tvo leiki og gert eitt jafntefli (S Smárinn, S Boltaklúbbur Baulu og J Púmba). Aðrir leikir í riðlinum eru á milli L.A. og Æskunnar annars vegar og hins vegar á milli Púmba og Smárans. Boltaklúbbur Baulu sitja hjá í þessari umferð.

Í B-riðli fer einnig fram toppbaráttuleikur á milli Hamranna og Mývetnings. Hamrarnir hafa spilað tvo leiki og unnið þá báða (S Hellisbúum og S Timburmönnum) en Mývetningur hefur unnið tvo og tapað einum (S G.A., S Hellisbúar og T Timburmenn). Aðrir leikir í riðlinum eru á milli Hellisbúa og Samherja annars vegar og hins vegar á milli Timburmanna og Úlfanna. G.A. sitja hjá í þessari umferð.

Leikir og dómarar í 4.umferð;

Stöðuna í deildinni, næstu leiki og markahæstu leikmenn er hægt að skoða undir Kjarnafæðideildin 2011 í stikunni hér vinstra megin á síðunni.

04.07.2011  Kjarnafæðideildin - Leikbann í 4. umferð

Í fjórðu umferð tekur einn leikmaður út bann en það er leikmaður Fc.Úlfanna 010, Sinisa Pavlica sem fékk rautt spjald í 3.umferð.

 

26.06.2011  Úrslit úr 3. umferð